Афіцыйны сайт

Гісторыка-культурная спадчына

 
Гісторыка-культурная спадчына
 
 

 Памятка аб патрабаваннях заканадаўства па ахове гісторыка-культурнай спадчыны Рэспублікі Беларусь для арандатараў, уласнікаў будынкаў і збудаванняў, якія маюць статус гісторыка-культурнай каштоўнасці

 Сапраўдная памятка «Аб патрабаваннях заканадаўства па ахове гісторыка-культурнай спадчыны Рэспублікі Беларусь для арандатараў, уласнікаў будынкаў і збудаванняў, якія маюць статус гісторыка-культурнай каштоўнасці» (далей - Памятка) распрацавана ў адпаведнасці з Законам Рэспублікі Беларусь «Аб ахове гісторыка-культурнай спадчыны Рэспублікі Беларусь» ад 09.01.2006 № 98-3 (далей Закон) і з мэтай захавання эстэтычнага аблічча гісторыка-культурных каштоўнасцяў.
  У адпаведнасці з заканадаўствам, для кожнай матэрыяльнай гісторыка-культурнай каштоўнасці, Міністэрствам культуры вызначаюцца індывідуальныя ўмовы ўтрымання і выкарыстання, усталёўваецца парадак выканання работ, іншыя абмежаванні дзейнасці іх уладальнікаў (уласнікаў) або карыстальнікаў,  а таксама патрабаванні па забеспячэнні іх захаванасці. Гэтыя патрабаванні фіксуюцца ў ахоўным абавязацельстве, складзеным па форме, зацверджанай Міністэрствам культуры, і падлягаюць выкананню ўсімі юрыдычнымі, фізічнымі асобамі і індывідуальнымі прадпрымальнікамі (ўласнікамі будынкаў, а таксама жылых і нежылых памяшканняў). Ахоўныя абавязацельствы ўваходзяць у пакет дакументаў пры афармленні завяшчанняў, дагавораў куплі-продажу, дарэння, прыватызацыі і інш. здзелак  з нерухомасцю. Ахоўнае абавязацельства афармляецца на кожную гісторыка-культурную каштоўнасць (арт. 44 Закона).
  Аформіць дадзенае абавязацельства можна ў Зэльвенскім раённым Цэнтры культуры і народнай творчасці, па адрасу: 231 940 г. п. Зэльва, вул. Савецкая, 34. тэл. (801564) 24531.
 Абавязацельства афармляецца ў колькасці 3-х экземпляраў і рэгістрыруецца ў Міністэрстве культуры Рэспублікі Беларусь.
 Пры адчужэнні нерухомай маёмасці або іншай перадачы правоў уласнасці патрабуецца ўзгадненне Міністэрства культуры Рэспублікі Беларусь.
  Распрацоўка праектна-каштарыснай дакументацыі, правядзенне земляных работ, рамонтных работ на фасадах будынкаў, замена аконных блокаў, запаўненняў балконаў і лоджый, ўваходных груп, ўстаноўка кандыцыянераў, антэн, ралетаў, вонкавай рэкламы, перапланіроўка і пераабсталяванне памяшканняў для новых функцый (крамы, офісы і інш.), замена новых аконных і дзвярных праёмаў, а таксама іншыя дзеянні, якія могуць прывесці да змены вонкавага выгляду аб'ектаў гісторыка-культурнай спадчыны, выконваюцца толькі пры наяўнасці дазволу Міністэрства культуры Рэспублікі Беларусь, якая выдаецца ва ўпраўленні па ахове гісторыка-культурнай спадчыны і рэстаўрацыі, размешчаным па адрасе:
  220030 г. Мінск, пр. Пераможцаў, 11, 
                         каб. 922, 1118, 1119, 
                         прыёмная/факс 227 42 95, т. 227 39 17, 227 27 69,
                         200 49 07.
 Работы па забеспячэнню належнага тэхнічнага і санітарнага стану аб'екта гісторыка-культурнай спадчыны могуць выконвацца без атрымання дазволу Міністэрства культуры. 
 Згодна з ТКП  45-1,01-4 2006 (02250) да бягучага рамонту адносіцца дзейнасць, якая ажыццяўляецца з мэтай прадухілення далейшага інтэнсіўнага зносу, аднаўлення спраўнасці і ліквідацыі пашкоджанняў канструкцый і інжынернага абсталявання будынкаў і збудаванняў. Такія работы на гісторыка-культурных каштоўнасцях прадугледжваюць выкарыстанне натуральнага матэрыялу (аналагічнага наяўнаму на гісторыка-культурнай каштоўнасці). У выпадку, калі зыходны матэрыял невядомы, неабходна накіраваць заяву аб дазволе на вытворчасць работ з указаннем прыкладнага матэрыялу. Па выніках разгляду заявы будзе прапанаваны новы матэрыял, або адобраны прапанаваны Вамі. Падрабязную інфармацыю аб афармленні дазволаў на правядзенне работ на гісторыка-культурнай каштоўнасцях, а таксама пералік работ, пры выкананні якіх дазвол не патрабуецца, можна даведацца па наступных тэлефонах:
(0152) 743786 –Коханава Аксана Мікалаеўна – галоўны спецыяліст
ўпраўлення ідэалагічнай работы, культуры і па справах моладзі Гродзенскага аблвыканкама;
(01564) 24531 - Якута Святлана Пятроўна 
 Кодэксам Рэспублікі Беларусь аб адміністрацыйных правапарушэннях (арт. 19.2 «Невыкананне патрабаванняў ахоўных абавязацельстваў у адносінах да гісторыка-культурных каштоўнасцяў», арт. 19.3 «Парушэнне парадку і (або) умоў выканання работ на гісторыка-культурных аб’ектах альбо здзяйсненне дзеянняў, якія ствараюць пагрозу гісторыка-культурным каштоўнасцям») і Крымінальным Кодэксам Рэспублікі Беларусь (арт. 344, 345) прадугледжаны наступныя меры за парушэнне заканадаўства аб ахове гісторыка-культурнай спадчыны:
- артыкул 19.2. Невыкананне патрабаванняў ахоўных абавязацельстваў у адносінах да гісторыка-культурных каштоўнасцяў;
- артыкул 19.3. Парушэнне парадку і (або) умоў выканання работ на гісторыка-культурных каштоўнасцях або ажыццяўлення дзеянняў, якія ствараюць пагрозу знішчэння, пашкоджання гісторыка-культурных каштоўнасцяў,  цягнуць накладанне штрафу ў памеры ад дзесяці да трыццаці базавых велічынь, на індывідуальнага прадпрымальніка - ад дзесяці да ста базавых велічынь, а на юрыдычную асобу - да пяцісот базавых велічынь;
- артыкул 344. Наўмысныя знішчэнне альбо пашкоджанне гісторыка-культурных каштоўнасцяў або матэрыяльных аб'ектаў, якія валодаюць адметнымі духоўнымі, мастацкімі і (або) дакументальнымі вартасцямі і адпавядаюць аднаму з крытэрыяў адбору матэрыяльных аб'ектаў для прысваення ім статусу гісторыка-культурнай каштоўнасці, - караюцца грамадскімі работамі, або штрафам, або арыштам на тэрмін да шасці месяцаў, або абмежаваннем волі на тэрмін да трох гадоў, або пазбаўленнем волі на той жа тэрмін;
- артыкул 345. Знішчэнне, пашкоджанне гісторыка-культурных каштоўнасцяў або матэрыяльных аб'ектаў, якія валодаюць адметнымі духоўнымі, мастацкімі і (або) дакументальнымі вартасцямі і якія адпавядаюць аднаму з крытэраў адбору матэрыяльных аб'ектаў для прысваення ім статусу гісторыка-культурнай каштоўнасці, учыненыя па неасцярожнасці, альбо іх страта ў выніку нядбайнага захоўвання, прычынення ўрону ў буйным памеры - караюцца грамадскімі работамі, або штрафам, або папраўчымі работамі на тэрмін да аднаго года, або арыштам на тэрмін да трох месяцаў, або абмежаваннем волі на тэрмін да аднаго года.

Адказны за ахову гісторыка-культурнай спадчыны Зэльвенскага раёна