Афіцыйны сайт
Адрас райвыканкама:
231940, г.п. Зэльва,
вул. 17 Верасня, 29
Электронная пошта:
z-yprd@mail.grodno.by
Тэлефон: 8-(015-64) -24135
Факс: 8-(015-64)-23024

10 студзеня 2019

Каляндар турыстычных падзей на 2019 год падрыхтаваны ў Беларусі

 Каляндар турыстычных падзей на 2019 год падрыхтаваны ў Беларусі. Спіс самых значных мерапрыемстваў у сферы турызму, запланаваных у Беларусі сёлета, склаў Дэпартамент па турызму  Мінспорту разам з абласнымі выканкамамі і Мінскім гарвыканкамам.

         У яго ўвайшло больш за 90 падзей-спартыўныя, музычныя, гастранамічныя і кінафестывалі, тэатральныя форумы, рыцарскія турніры і многае іншае.

         Адной з галоўных падзей года для турыстаў стануць II Еўрапейскія гульні, якія Беларусь будзе прымаць з 21 па 30 чэрвеня.

         У Мінск замежных гасцей таксама паклічуць на мерапрыемствы летняга музычна-турыстычнага сезона ў Верхнім горадзе, музейнае шоу, праект "Мінскі джаз", Міжнародны фестываль гістарычнай рэканструкцыі, кінафестываль" Лістапад", Калядны оперны форум.

 

         У рэгіёнах таксама арганізуюць мерапрыемствы, якія будуць цікавыя турыстам. Напрыклад, музей-запаведнік " Нясвіж "запрашае на музычна-тэатралізаваныя квэсты "Таямніцы і загадкі князёў Радзівілаў". У Віцебску пройдуць Шагалаўскія  чытанні, у Лепелі арганізуюць фестываль беларускай міфалогіі "У госці ды Лепельскага Цмока". Аматарам воднага турызму будзе прапанавана паўдзельнічаць у "Мотальскай рэгаце" ў Брэсцкай вобласці. Магічнае шоу абяцаюць на фэсце фокуснікаў у Гродне.