Галоўная / Белорусская версия / Навiны / Навiны рэспублiкi
17.01.2022

Экспарт беларускіх сыроў у студзені-лістападзе вырас на 11,7 працэнта

 
Фота з архіва
Фота з архіва

17 студзеня, Мінск /Кар. БЕЛТА/. Экспарт беларускіх сыроў у студзені - лістападзе вырас на 11,7 працэнта ў параўнанні з аналагічным перыядам мінулага года, паведамляе БЕЛТА са спасылкай на Telegram-канал Мінсельгасхарчу.

"За 11 месяцаў 2021 года на экспарт пастаўлена 230,5 тыс. т беларускіх сыроў на суму $976 млн, тэмп росту да аналагічнага перыяду 2020 года склаў 110,4 працэнта ў натуральным і 111,7 працэнта ў вартасным выражэнні адпаведна. У студзені - лістападзе геаграфія экспарту сыроў налічвала 26 краін. Асноўны аб'ём экспартаваўся ў краіны СНД (уключаючы Расію)", - расказалі ў прэс-службе.

Доля Расіі ў экспарце беларускіх сыроў склала 93,4 працэнта ($911,9 млн, або 109,4 працэнта да ўзроўню студзеня - лістапада 2020 года). У іншыя краіны СНД пастаўлена 15 тыс. т сыроў на суму $62,7 млн (124,6 працэнта і 124,3 працэнта да ўзроўню аналагічнага перыяду мінулага года адпаведна). Павялічыліся пастаўкі ў Казахстан на 18,5 працэнта (да $25,3 млн), ва Украіну на 36,6 працэнта (да $26,3 млн), у Кыргызстан у 2,9 раза (да $2,8 млн), ва Узбекістан на 67,5 працэнта (да $2,9 млн), у Малдову і Азербайджан на 44,2 працэнта і 44,1 працэнта (да $2 млн).

У краіны Азіі і Акіяніі пастаўлена 224,8 т сыроў на суму $984,5 тыс., што ў 2,8 раза вышэй за аналагічны перыяд мінулага года. Асноўныя аб'ёмы паставак прыпалі на Манголію і Грузію. Акрамя таго, сыры пастаўляліся ў Іарданію, Японію, Сінгапур, Кітай і Малайзію. У 2021 годзе пачаты пастаўкі сыроў у Афганістан.

У краіны Амерыкі і Карыбскага басейна пастаўлена 86,6 т сыроў на $452,5 тыс., што таксама перавышае ўзровень мінулага года больш як у 2 разы. Павялічыўся экспарт сыроў у ЗША да $429,8 тыс. (у 2,5 раза вышэй за аналагічны перыяд 2020 года). Выкананы пробныя пастаўкі ў Антыгуа і Барбуду.

БЕЛТА