Крутой расказаў аб выніках, дасягнутых у рэалізацыі 28 саюзных праграм

"Каб не пакрыўдзіць калег: усе галіны важныя, значныя і прыярытэтныя. Але калі гаварыць ужо аб дасягнутых выніках, то, напэўна, галоўным з іх стала падпісанне падатковага пагаднення, стварэнне нашага ўжо наднацыянальнага падатковага камітэта, завяршэнне работы над інфармацыйнай сістэмай маніторынгу ўскосных падаткаў - запуск яе ў канцы студзеня гэтага года ў практычную работу. І ўрады дзвюх краін прызнаюць, што гэта галоўнае дасягненне. Ну і другое, напэўна, па значнасці - гэта, вядома, мытная карта", - сказаў Дзмітрый Крутой.

Паводле яго слоў, наднацыянальны мытны камітэт ужо актыўна ўключыўся ў работу, ён сочыць за перамяшчэннем усіх тавараў, якія найбольш значныя з пункту гледжання процідзеяння санкцыям. "Таму дзве гэтыя карты - падатковая і мытная - з'яўляюцца галоўнымі. Калі гаварыць пра бягучыя, то, вядома, гэта прамысловая карта і, напэўна, транспартная карта", - адзначыў пасол.

"У нас амбіцыйныя планы і мы не толькі змагаемся, як часта гавораць, з санкцыямі, але і перамагаем. Мы на іх цяпер наогул не звяртаем увагі, мы проста развіваемся паскорана, нават перавыконваем тыя задачы, якія самі сабе ставім", - дадаў Дзмітрый Крутой.

Ён таксама паведаміў, што на маючым адбыцца пасяджэнні Вышэйшага дзяржаўнага савета Саюзнай дзяржавы прэзідэнты Беларусі і Расіі заслухаюць у тым ліку і вынікі выканання 28 саюзных праграм. "Нашы 28 саюзных праграм, аб якіх усе гавораць, будуць падрабязна заслухоўвацца літаральна праз некалькі дзён. Некалькі з іх ужо выкананы поўнасцю, па некаторых патрэбна яшчэ пэўная данастройка і ўказанні прэзідэнтаў нашых краін", - сказаў пасол.

БЕЛТА