Галоўная / Навiны / Навiны рэспублiкi
03.02.2022

Лукашэнка: кампанія па ўнясенні паправак у Канстытуцыю адпавядае ўсім дэмакратычным нормам

 

3 лютага, Мінск /Кар. БЕЛТА/. Кампанія па ўнясенні паправак у Канстытуцыю поўнасцю адпавядае ўсім дэмакратычным нормам. Аб гэтым Прэзідэнт Беларусі Аляксандр Лукашэнка заявіў сёння на цырымоніі ўручэння даверчых грамат пасламі замежных дзяржаў, перадае карэспандэнт БЕЛТА.

Кіраўнік дзяржавы, вітаючы замежных дыпламатаў, адзначыў, што яны прыбылі ў Беларусь у асаблівы і нават эпахальны час, паколькі 27 лютага ў краіне пройдзе рэспубліканскі рэферэндум па ўнясенні змяненняў у Канстытуцыю.

"Прынцыпова важна, што наш народ сам вызначае далейшае развіццё дзяржавы. Асабліва падкрэслю: без усялякага націску звонку. Менавіта таму мы лічым гэту палітычную кампанію поўнасцю адпаведнай усім дэмакратычным нормам", - адзначыў Аляксандр Лукашэнка.

БЕЛТА