Афіцыйны сайт
Адрас райвыканкама:
231940, г.п. Зэльва,
вул. 17 Верасня, 29
Электронная пошта:
z-yprd@mail.grodno.by
Тэлефон: 8-(015-64) -24135
Факс: 8-(015-64)-23024

17 кастрычніка 2019

Адзіны дзень інфармавання праходзіць на Зэльвеншчыне

Сёння ў Беларусі праходзіць адзіны дзень інфармавання. На Зэльвеншчыне, каб абмеркаваць маючыя адбыцца выбары дэпутатаў у Палату прадстаўнікоў, а таксама папярэджанне пажараў і гібелі ад іх людзей, інфармацыйныя групы на чале з прадстаўнікамі органаў мясцовай улады сустрэнуцца з трыма працоўнымі калектывамі раёна, а таксама з жыхарамі вёскі Залацеева.

З работнiкамi райЦГЭ сустрэлася інфармацыйная група, якую ўзначальвае старшыня райвыканкама Дзяніс Альшэўскі.

Аб перадвыбарчай кампаніі падрабязней распавяла начальнік аддзела ідэалагічнай работы, культуры і па справах моладзі Галіна Раманчук:

- У Гродзенскай вобласці створаны 13 акругаў для галасавання. Зэльвенцы адносяцца да Слонімскай выбарчай акругі №58. Для рэгістрацыі ў кандыдаты Зэльвенскі раён падаў двух чалавек: Валянціна Семяняка - прадстаўлены шляхам збору подпісаў (сабраў больш за 9000) і рашэннем чатырох працоўных калектываў (трыма Слонімскімі і адным Зэльвенскім), а таксама Аляксандра Прэдка - вылучаны работнікамі дзяржпрадпрыемства "Галынка". У цяперашні час у Слонімскую акруговую камісію, акрамя прадстаўнікоў нашага раёна, падалі заявы для рэгістрацыі ў кандыдаты 8 чалавек. Сёння ў Слоніме абвесцяць імёны зарэгістраваных, хто прайшоў праверку. І ўжо з 17 кастрычніка пачнецца агітацыйная кампанія.

Дзяніс Альшэўскі заклікаў удзельнікаў сустрэчы да ўдзелу ў галасаванні:

- Выбары прызнаюцца адбыўшыміся, калі ў галасаванні прыняло ўдзел больш за палову выбаршчыкаў акругi. У выпадку, калі яўка выбаршчыкаў будзе меншай, чым мяркуецца, могуць быць прызначаныя паўторныя выбары. Важна разумець, што ў арганізацыі выбарчай кампаніі задзейнічаны бюджэтныя сродкі. Іх трэба размяркоўваць рацыянальна, - адзначыў кіраўнік раёна. - Вядома, у нас усё дэмакратычна. Але мне, напрыклад, хочацца, каб перамог кандыдат з Зэльвы. У Парламенце даўно не было прадстаўнікоў нашага раёна. А яны з вышыні свайго ўрадавага ўзроўню маглі б, па ўсёй бачнасці, ўплываць на рашэнне праблем у такіх невялікіх рэгіёнах, як Зэльвеншчына.

Аб папярэджанні пажараў. Як запэўніў начальнік РАНС Сяргей Бурдук, за мінулы год на тэрыторыі раёна адбылося 12 пажараў (загінулі двое), за цяперашні - 10 (пацярпелых няма). Жылы сектар працягвае быць асноўным месцам вогненных бедстваў.

- Напэўна шмат хто бачыў на ўездзе з боку Слоніма, што Зэльва - нібы ў туманнай смузе. Больш за месяц мясцовыя жыхары працягваюць спальваць пустазельную расліннасць на сваіх прысядзібных участках. У дыспетчарскую працягваюць паступаць паведамленні аб тым, што людзям на вуліцах няма чым дыхаць. Правіламі пажарнай бяспекі спальваць смецце каля хаты не забараняецца: гэта дазваляецца рабіць у 10-15 метрах ад жылля, у зацішнае надвор'е, пры наяўнасці побач вядра з вадой, рыдлёўкі і, ў ідэале, вогнетушыцеля, месца спальвання павінна быць акапана. І ўсё ж, калі ласка, паспрабуйце спальваць смецце так, каб ад яго зыходзіла мінімальная колькасць дыму. Да спальвання адходы з агародаў лепш як след прасушыць, - парэкамендаваў Сяргей Бурдук.