Супрацьстаяць злачыннасці і засцерагчы зельвенцев ад НС - пра гэта і не толькі ішла размова на пасяджэнні рабочай групы

Мэта - жыць без пажараў

Як бы сумна ні гучала, але ў новым годзе людзі працягваюць пазбаўляцца маёмасці, а часам і жыцця ў выніку пажараў. Так, у 2020-м у рэспубліцы ўжо зафіксавана 374 выпадкі ўзгарання. Агонь забраў жыцці 58 беларусаў.

- За мінулы тыдзень у Гродзенскай вобласці адбылося 12 пажараў. Па прычыне неасцярожнага курэння ў аграгарадку Парэчча (Гродзенскага раёна) загінуў чалавек, - з аператыўнай абстаноўкай азнаёміў прысутных начальнік РАНС Сяргей Бурдук. - У Зэльвенскім раёне ў гэты перыяд таксама зарэгістравана надзвычайнае здарэнне: гарэў жылы дом у вёсцы Падбалоцце (Крамяніцкага сельсавета). На шчасце, абыйшлося без ахвяр. Прычыны таго, што здарылася высвятляюцца.

Каб застрахаваць сябе ад такіх няшчасных выпадкаў, зельвенцам варта строга прытрымлівацца простых правілаў пажарнай бяспекі. Да прыкладу, вельмі важна цяпер наяўнасць у дамах, дзе выкарыстоўваецца газавае абсталяванне, сігналізатара угарнага газу. Прыбор неаднаразова, апавяшчаючы аб небяспецы, ратаваў жыцця людзей. А гэта дарагога варта!

- СА, як той казаў, патэнцыйны забойца ў доме. Калі прыродны газ, якім мы карыстаемся, мае пах, то угарны - не мае. І калі ўсяго 1% памяшкання ім напоўніцца, то чалавек гіне на працягу пяці хвілін, - адзначыў начальнік раёна газазабеспячэння Аляксандр Чверток. - Трымаць сітуацыю пад кантролем дапаможа газавы апавяшчальнік. Прызначаны ён для аналізу паветра. Калі канцэнтрацыя небяспечнага рэчыва ў пакоі перавысіць дапушчальную, механізм тут жа падасць гукавой і светлавой сігналы. Набыць такога «памочніка» (абавязкова пры наяўнасці сертыфіката на тавар) можна ў крамах электратэхнічнай прадукцыі па кошце ад 33 да 55 рублёў, а ўсталяваць - самастойна, прытрымліваючыся інструкцыі.

Надзённыя пытанні - на кантролі

Члены рабочай групы абмеркавалі шэраг актуальных пытанняў, якія тычацца аператыўна-службовай дзейнасці. Стала вядома, што за мінулы тыдзень у дзяжурную частку РАУС паступіла 64 паведамленні аб злачынствах і здарэннях на тэрыторыі Зэльвенскага раёна.

Вялікая праца за гэты адрэзак часу была праведзена назіральнымі камісіямі. Пад асаблівым кантролем знаходзіліся сям'і з «групы рызыкі». Было абследавана 41 домаўладанне гэтай катэгорыі грамадзян. Усе выяўленыя парушэнні ўхіляюцца.

Яшчэ раз нагадалі на пасяджэнні аб прынятых мерах па недапушчэнні допуску да патэнцыйна-небяспечным аб'ектам. А таксама завастрылі ўвагу на праблеме бадзяжных жывёл, якая турбуе многіх мясцовых жыхароў. 

- Усе заяўкі на адлоў бяздомных сабак і катоў ад насельніцтва зараз прымае дыспетчарская служба жыллёва-камунальнай гаспадаркі. Укаранёны і дзейнічае адзіны кароткі нумар 115, - указаў галоўны інжынер РУП ЖКГ Алег Пентяк