Санкцыі, сцяна на граніцы, бежанцы і саюз з Расіяй. Раскрыты падрабязнасці інтэрв'ю Лукашэнкі турэцкаму тэлеканалу

  У час інтэрв'ю 9 снежня, Мінск /Кар. БЕЛТА/. Сталі вядомы падрабязнасці інтэрв'ю Прэзідэнта Беларусі Аляксандра Лукашэнкі турэцкай тэлерадыёкампаніі TRT, паведамляе БЕЛТА. Як інфармуе Telegram-канал "Пул Першага", у ліку пытанняў, якія закраналіся ў інтэрв'ю, узнімалася тэма міграцыйнага крызісу - быў дадзены адказ на абвінавачанні і распаўсюджаныя фэйкі. Кіраўнік дзяржавы расказаў, чаму на Беларусь аказваюць націск, і ці лічыць ён менавіта ЗША адказнымі за крызіс на граніцы. Размова таксама ішла аб планах Польшчы па будаўніцтве сцяны на граніцы з Беларуссю. Адказаў кіраўнік дзяржавы і на пытанне аб тым, як ідуць перагаворы з ЕС па вырашэнні крызісу, і што будзе з тымі бежанцамі, якія захочуць застацца ў Беларусі. Яшчэ адна тэма - санкцыі і далейшыя магчымыя меры ў адказ. Не абмінулі ў час інтэрв'ю і пытанне саюзнага будаўніцтва з Расіяй. Аляксандр Лукашэнка адказаў на пытанні аб планах, тэрмінах і перспектывах, а таксама ці будзе ў выніку гэты саюз падобны да ЕС. Акрамя таго, гучала тэма Турцыі як у адносінах да праблематыкі з бежанцамі, так і статусу Прэзідэнта гэтай краіны Рэджэпа Таіпа Эрдагана ў мусульманскім свеце. Узнімаліся пытанні, якія датычацца беларуска-турэцкіх адносін, абвінавачанняў у адрас турэцкай авіякампаніі. Як паведамлялася БЕЛТА, у якасці інтэрв'юера выступіла журналіст і вядучая тэлеканала TRT Haber Ніса Эфендзіаглу. Турэцкая тэлерадыёкампанія TRT, або Фонд турэцкага радыё і тэлебачання, створана ў 1964 годзе для вяшчання ад імя турэцкай дзяржавы і да 1990-х гадоў заставалася адзінай на тэрыторыі Турцыі. На сённяшні дзень мае шырокую сетку тэле- і радыёканалаў на розную тэматыку, якія вяшчаюць на краіны Еўропы, Блізкага Усходу, Афрыкі, Азіі, Аўстралію. У структуру TRT уваходзяць 14 тэлевізійных каналаў, у тым ліку 6 нацыянальных, а таксама 3 міжнародныя, 16 радыёканалаў нацыянальнага і рэгіянальнага ахопу і два замежныя. Навіны таксама публікуюцца на 41 мове на інтэрнэт-сайце тэлерадыёкампаніі.-0- БЕЛТА