Стан вясковых спраў на Зэльвеншчыне

  Актуальнай у Зэльвенским раёне застаецца тэма асенніх работ на палях мясцовых гаспадарак. Надвор’е пакуль садзейнічае аграрыям прытрымлівацца агратэхнічных тэрмінаў. Як расказалі ва ўпраўленні сельскай гаспадаркі і харчавання райвыканкама, ужо завершана  ўборка кукурузы  на сілас. Валавы збор зялёнай масы склаў 195341 тону пры ўрадажайнасці 349 цэнтнераў з гектара. Зараз сельгаспрадпрыемствы нарошчваюць тэмпы ўборкі куккурузы на зерне, каб завяршыць работы да 7 лістапада, а роўна праз тыдзень – і  цукровыя буракі . Хочацца адзначыць, што самы высокі ўраджай гэтай культуры у вобласці ў Гродзенскім, Зэльвенскім і Бераставіцкім раёнах. Адначасова ідзе зяблевая апрацоўка глебы – гэта залог будучага ўраджаю. Пры гэтым кіраўнікі сельгасарганізацый не забываюць аб асабістай адказнасці за якасць і вынікі работ. Служба інфармацыі газеты «Праца»